మాతృ భాష

జగన్మాత వంటి అందమైన భాష
తల్లిపాలవంటి  శ్రేష్ఠమైన భాష
పంచభక్షాల వంటి రుచి ఐన భాష
మకరందం వంటి  కమ్మనైన భాష
ప్రకృతి వంటి రమ్యమైన భాష
వెన్నపూస వంటి  మృదువైన  భాష
మన మాతృ భాష !

మాటలాడుటకు సులువైన భాష
ఆకళింపునకు వీలైన భాష
పరాచకమునకు అనువైన భాష
పద ప్రయోగాలకు    సరళమైన భాష
వూసులాడుటకు  ఉచితమైన  భాష
భావ ప్రకటనకు ముఖ్య మైన భాష
మన మాతృ భాష !

మాతృ భాషలో

ఆర్థ్రత కు చోటుంది !
అవేదనకు వీలుంది  !
ఆనందానికీ అవకాశముంది !
ఆక్రోశానికీ  మార్గముంది!  

కన్నీటికీ ఓ  మాటుంది
దానికి మాతృభాషలోనే  అర్థముంది!

వేదనకీ ఓ రూపముంది
దానికి మాతృభాషలోనే  తగిన స్థానముంది !

జీవితంలోని అన్ని రసాల్ని పలికించేందుకు    
మాతృభాష రంగస్థలమవుతుంది
సహజంగా వాటిని పలికించి రక్తి కట్టిస్తుంది!

పరాయి భాష
తెచి పెట్టుకున్న  నటనలా సాగుతూ
అర్థం కాని భావాల్ని ప్రకటిస్తూ  
రక్తి కట్టని నాటకం లా ముగుస్తుంది
లేనిపోని సమస్యలను తెచ్చిపెడుతుంది