చిరునవ్వుల చిన్నారి

చిరునవ్వుల చిన్నారివే

వరమల్లే దొరికావే !

సిరిమల్లెల సింగారివే

నా మనసే దోచావే !!

జడివానలో తడిసి నీవు

నెరజానల్లే వస్తవుంటే

తడిసిన నీ సోకుసూసి

నా గుండె జల్లుమందె !

నా వళ్ళు జిల్లుమందె !!

పరుగున ఇంటికి సేరి

నేతచీర గట్టి

తలార బోసుక కూకంటే

నా మనసు వల్లనందే !

నా వయసు ఆగనందే !!

తెల్లవారే యేళ

మంచుకురిసిన నేల

వయ్యారంగా కూకొని

నువ్వట్ల ముగ్గెడుతూ

నన్నట్ల కవ్విస్తాంటే

నిన్నెట్ట విడిసేదే ఓ పిల్ల !

నన్నునే మరచానే నా పిల్ల !!

కళ్ళకాటకనెట్టి

జడన మల్లెలు చుట్టి

వంటికి ఓణీ కట్టి

నీవట్ట తిరుగుతాంటే

నే గుట్టుగెట్టుండేదే ఓ పిల్ల !

నిన్ను చుట్టుకుంటానే నా పిల్ల !!