కవిత

ఏదో కాగితం కలంపట్టి

కాస్త ఆలోచించి రాసేది

కవిత కాదు

మనసు స్పందించి

హృదయపు లోతులనుండి

ఆర్ద్రత తో బయటకు పొంగే

భావనే నిజమయిన కవిత

కవిత మనసులో మాటను చెప్పాలి

కవిత మనిషి ఆలోచనలను

కాగితం పై ఉంచాలి

కవిత జనం గుండెల్ని తాకేలా ఉండాలి

కవిత వ్యవస్థ బాగోగులను కోరాలి

కవిత సమాజంలో మార్పును కోరాలి

కవిత మంచిని ప్రభొదించాలి

కవిత కవి వ్యక్తిత్వానికి దర్పణం కావాలి !!